Greqia 18 miliardë euro fitime nga turizmi në 2022, Mitsotakis: S’e prisnim

Kryeministri i Greqisë, Kyriakos Mitsotakis, tha sot se të ardhurat nga turizmi do të arrijnë të paktën 18 miliardë euro këtë vit.

Mitsotakis u shpreh se dega më e rëndësishme ekonomike greke do të tejkalojë vlerësimet e para të qeverisë, raportoi Reuters.

Kryeministri grek, duke folur në një aktivitet për turizmin në Athinë, deklaroi se buxheti i Greqisë kishte parashikuar për të ardhura nga industria e turizmit rreth 15 miliardë euro, por ato do të jenë më të larta me të paktën tre miliardë euro.

Kjo është shumë më tepër se vitin e kaluar dhe një rezultat pakrahasueshëm më i mirë në krahasim me vitin katastrofik të 2020-ës, vitin e parë të pandemisë së coronavirusit.

LEXONI GJITHASHTU:

• ‘Mund të godasë Athinën’, Erdogan: Greqia e frikësuar nga raketa turke, Typhoon
• Kampioni Evropës në MMA: Më ka kërkuar Gjermania dhe Greqia, i kam refuzuar