Greqia ofron pushime falas për turistët që braktisën Rodosin për shkak të zjarreve

Turistëve që iu shkatërruan pushimet në Rodos për shkak të zjarreve masive do të dëmshpërblehen vitin tjetër me pushime falas.

Ishte kryeministri grek, Kyriakos Mitsotakis, ai i cili e bëri me dije lajmin. Duke folur për mediat britanike shefi i qeverisë në Athinë tha se në bashkëpunim me autoritetet lokale, do të ofrohet një javë pushim falas në Rodos në pranverën ose vjeshtën e ardhshme për të gjithë ata që i humbën pushimet për shkak të zjarreve.

Greqia është një vend i sigurt, ishte mesazhi i kryeministrit, ndërsa sqaroi se turistët që dëshirojnë ta bëjnë këtë do të mund të kthehen në Rodos vitin e ardhshëm në pranverë për të shijuar ishullin dhe bukuritë e tij.

Kujtojmë se pjesa e më e madhe e turistëve të cilët u larguan nga ishulli për shkak të zjarrevve ishin pikërisht nga Britania e Madhe.

LEXONI GJITHASHTU: 

• Shkëlqim Goxhaj: Frikë për zjarre në shtator, do jetë muaj i nxehtë
• 5 vatra zjarri në Rodos, Kasapi: Janë djegur 3 hotele, një shkollë e 10 shtëpi