Greqia përshpejton hapat për pavarësim nga gazi rus

Greqia do të përshpejtojë projektet e eksplorimit të gazit në bashkëpunim me investitorët privatë. Në përpjekje për t’u larguar nga varësia ruse  kryeministri grek u shpreh se synohet që shteti fqinj të kthehet  një qendër energjie në Evropë.

Pushtimi rus i Ukrainës dhe frika për furnizimin me gaz në Evropë kanë shkaktuar   një rritje të çmimeve, duke detyruar Bashkimin Evropian të kërkojë mënyra për të reduktuar varësinë  nga gazi rus me dy të tretat këtë vit dhe për t’i dhënë fund plotësisht deri në vitin 2027.

“Ne të gjithë në Evropë dhe Greqi e kuptojmë në mënyrë dramatike se po përjetojmë fundin e një epoke dhe fillimin e një epoke te re. Tani po kuptojmë rëndësinë e autonomisë, sigurisë energjetike dhe hapave që duhet të ndërmerren më shpejtë”, Kryeministri i Greqisë Kiriakos Mitsotakis

Gjatë një mbledhjeje  në komisionin e hidrokarbureve, kreu i qeverisë u shpreh se do të kërkohet për çdo lloj opsioni.

“Reduktimi i varësisë sonë nga gazi rus dhe kërkimi i zgjidhjeve alternative për lëndët djegëse fosile, si gazi natyror, i cili do të garantojë nga njëra anë energji të mjaftueshme energjie dhe nga ana tjetër çmime të qëndrueshme, janë tanimë një rrugë njëkahëshe”, tha Mitsotakis.

Greqia, e cila mbulon rreth 40% të nevojave të saj vjetore për energji me gaz rus, ka prodhuar sasi të vogla nafte në të kaluarën dhe është përpjekur të eksplorojë potencialin e saj hidrokarbur. Por çmimet e ulëta të naftës së papërpunuar në vitet e mëparshme, një zhvendosje në energjinë e gjelbër dhe mungesa e vullnetit politik kanë bllokuar planet e saj të kërkimit.

Deri në vitin 2023  Greqia synon të ketë një ide të qartë nëse ka rezerva gazi që mund të përdorë, ndërsa indikacionet e rezervave të mundshme të gazit deri më tani e bëjnë qeverinë optimiste.

LEXONI GJITHASHTU:

• Rusia nuk planifikon të izolohet nga pjesa tjetër e botës, thotë Putin