Grevë e përgjithshme në Francë, vijojnë protestat anti-Macron

Në Francë po mbahet greva e përgjithshme kundër reformës së pensioneve. Bllokadat në rrugë u vendosën që në orët e para të mëngjesit, pasi presidenti Macron deklaroi se ishte gati të pranonte rënien e popullaritetit për shkak të projektit të tij.

Bllokadat u vendosën edhe në institutet e universitetet e qyteteve më të mëdha të vendit si Paris dhe Marsejë.

Nga qyteti jugor, lideri i së djathtës ekstreme Jean Luc Melelnchon mbrojti të drejtën për të protestuar.

“Sundimi i kushtëzuar i ligjit nuk ekziston. I vetmi sundim ligji është ai i të drejtave kushtetuese, lirisë së shprehjes, së protestave dhe për të formuluar qëndrimin opozitar në çdo kohë, brenda normave të demokracisë sonë paqësore, sociale dhe politike,” – u shpreh lideri i së djathtës ekstreme, Jean Luc Melenchon.

Dita e re e mobilizimit në Francë ka sjellë sërish kaos në transportin publik, me një reduktim të ndjeshëm të shërbimeve. Paraliza ka përfshirë edhe stacionin e rëndësishëm të trenit në Paris, Gare de Lyon.

LEXONI GJITHASHTU:

• Vijojnë protestat dhe grevat në Francë kundër reformës në pensione
• Franca “digjet” nga protestat, qytetarët kundër rritjes së moshës së pensioneve