Grida Duma: Shumë socialistë të zhgënjyer na bashkohen në takime

Grida Duma, kandidate e Partisë Demokratike për Qarkun e Tiranës thotë se gjatë takimeve elektorale qytetarët kërkojnë zotime konkrete. Kandidatja e PD përmendi premtimin për rritjen e pagës minimale nga opozita ku për këtë zotim, qytetarët kërkojnë të dinë se si përfitojnë realisht nga kjo.

“Shikoj që shqiptarët janë shumë herë më të ndërgjegjësuar dhe kontrata me politikën duhet të jetë një kontratë konkrete. Nuk duan më të dëgjojnë fjalë të përgjithshme”, tha ajo duke iu referuar premtimeve elektorale.

Znj. Duma gjatë intervistës për “Ilva Now” tha se sheh entuziazëm dhe se PD-së po i bashkohen shumë socialistë të zhgënjyer.

“Kam pasur plot raste të socialistëve të zhgënjyer që na janë bashkuar por kjo nuk ka qenë kërkesa ime. Patjetër që e quajë lajm kur një socialist na bashkohet në takime, por kur e dëgjon nga një zonjë mjeke që thotë kam votuar gjithë jetën PS dhe e pashë veten që nuk kisha një derë ku të trokisja për fiskun që kishin të bënin për biznesin tim”, deklaroi kandidatja e PD.