Gripi dhe virozat e stinës, mjekët në Elbasan: Vazhdon fushata e vaksinimit

Virozat janë të pranishme në këtë stinë dhe banorët në qarkun e Elbasanit, këshillohen të jenë të kujdesshëm, duke aplikuar masa mbrojtëse. Një ndër format e mbrojtjes nga gripi është vaksina, veçanërisht për të moshuarit dhe të sëmurët kronikë

“Në Njësia vendore e Kujdesit Shëndetësor Gramsh ka filluar vaksina e gripit 2023-2024. Nga data 16 Tetor i këtij viti jemi furnizuar me vaksinën e gripit nga Instituti i Shëndetit Publik. Ne si NJVKSH Gramsh kishim në plan 2250 doza, nga kërkesa jonë ISHP na furnizoi me 2400 doza. Nga data 17 filloj vaksinimi dhe deri dje kemi realizuar 1732 vaksina gripi”, thotë Hyqmet Ibrushi, nga Njësia vendore e Kujdesit Shëndetësor Gramsh.

Mjekja Ermira Kastrioti thotë se vitet e fundit qytetarët janë ndërgjegjësuar mbi rëndësinë e marrjes së vaksinës anti-grip.

“Fushata e vaksinimit ndaj gripit stinor është fushata që bëhet çdo vit në pjesën e vjeshtës. Grupet më te interesuara janë të sëmurët kronikë, pacientët mbi 60-vjeç. Tek të sëmurët kronik ata që janë me probleme kardiovaskulare, të sëmurët me astmë, diabet apo me imunitet të komprometuar. Ritmi i vaksinimit ka qenë me i lartë,  tani  pak më i ulët por nën 20- 30 veta nuk ka rënë. Ditët e para janë vaksinuar punonjësit e shëndetësisë por edhe nga personeli i policisë mësues etj”, tregon mjekja Ermira Kastrioti.

Ulja e temperaturave krijon terren për përhapjen e viruseve ndaj qytetarët, veçanërisht të moshuarit dhe fëmijët duhet të shtojnë vigjilencën, apelojnë mjekët.

LEXONI GJITHASHTU:

• Kujdes nga gripi! Shiroka: Vaksinohuni, virozat e stinës po lënë komplikacione
• Pediatrja: Virozat te fëmijët po rikthehen 2-3 herë me temperaturë të lartë