Gruaja e dytë më e votuar në Kryesi, ministrja Koçiu: PS drejt mandatit të katërt

Ministrja e Shëndetësisë dhe Mbrojtjes Sociale, Albana Koçiu, është bërë pjesë e Kryesisë së Partisë Socialiste, pasi mori votat e nevojshme në Asamblenë e mbledhur ditën e sotme.

Koçiu ishte gruaja e dytë me e votuar në Asamble për përbërjen e Kryesisë së re, ku mori 283 vota.

Përmes një reagimi në rrjetet sociale, ministrja Koçiu ka shprehur falënderimin ndaj anëtarëve të Asamblesë së PS, për mbështetjen që i dhanë.

Ajo tha gjithashtu se do të punojnë me përkushtim për vizionin e kryeministrit Edi Rama ‘Shqipëria 2030’, me qëllim fitoren e mandatit të katërt qeverisës nga PS.

Reagimi i Koçiut:

Me Partinë Socialiste, forcën e vetme politike në 🇦🇱 që mund t’i mbajë gjithmonë ndezur motorrët e zhvillimit e të krijimit të një Shqipërie europiane.

Me familjen e madhe, ndaj anëtarëve të së cilës ndjehem mirënjohëse e falenderuese për besimin që më dhanë, duke më bërë pjesë të Kryesisë së Partisë Socialiste.

Me ekipin e duhur, për të kontribuar për vizionin “Shqipëria 2030” e Kryeministrit dhe Kryetarit të Partisë Socialiste Edi Rama.

Me forcën politike, që po shkon më e fortë dhe e qartë, drejt fitores së mandatit të IV qeverisës, për të përfunduar me sukses nismat e ndërmara e për të nxitur politika të reja zhvillimi, për vendin dhe njerëzit tanë.

LEXONI GJITHASHTU:

• Emrat| Asambleja e PS zgjedh anëtarët e Kryesisë dhe Sekretariatin, Klosi jep detaje
• Emrat për Kryesinë e PS| Si u ndanë numrat në Asamble, kush janë më të votuarit