“Gulçon” ekonomia gjermane, ekspertët reduktojnë parashikimin ekonomik për 2024

Institucionet gjermane kanë tkurrur vlerësimin ekonomik të vendit për këtë vit, duke e reduktuar atë nga 1.3 në 0.1%.

Në këtë mënyrë, grupi i përbërë nga 5 institucione e ka vendosur parashikimin për 2024-n në linjë me atë të strukturave të tjera, përfshirë qeverinë gjermane, që e llogarit rritjen në 0.2%.

“Ekonomia në Gjermani po gulçon. Deri në kohët e fundit kemi parë vetëm dobësi të shoqëruar nga pakësimi i forcave të rritjes. Prandaj, faktorët ciklikë dhe strukturorë mbivendosen ndaj zhvillimit të afërt makroekonomik. Një rikuperim ka gjasa të marrë formë në muajt e ardhshëm. Megjithatë, ai nuk do të jetë i lartë”, thotë Stefan Kooths, Instituti për Ekonominë Botërore, Kiel.

Ekonomia më e madhe e Evropës është përballur me koston e energjisë, që ka arritur kulmin që nga pushtimi i Ukrainës dhe me inflacionin e lartë. Perspektiva duket më e mirë për 2025-n, me ekspertët që e llogarisin rritjen 1.4%.

LEXONI GJITHASHTU:

• Gjermania do të kryejë kontrolle kufitare gjatë Kampionatit Evropian
• Aksident tragjik në Gjermani/ 5 viktima e disa të plagosur nga përplasja e autobusit