Gurthemeli i Korridorit 8, Maqedonia e Veriut do ndërtojë nga Tetova-Qafë Thanë

Sot pritet të vendoset gurthemeli i Korridorit 8 dhe 10-D në pikën pagesore Tetovë-Gostivar.

Në aksin e parë Tetovë-Gostivar, në gjatësi totale prej 17.50 km dhe gjerësi 10.75 m, vlera e parashikuar e punimeve të ndërtimit pritet të arrijë shumën e 125 milionë eurove.

Për aksin e dytë dhe të tretë, Gostivar-Bujkoçan dhe Trebenishtë–Strugë–Qafëthanë, vlera e parashikuar e punimeve ndërtimore në total pritet të jetë 1.3 miliardë euro. Sipas zyrtarëve po shqyrtohen edhe disa variante shtesë në pikën kufitare Qafëthanë, siç është ndërtimi i një tuneli të përbashkët me Shqipërinë për të shkurtuar kështu rrugën për 20 km. Ekspertë të ekonomisë theksojnë se ndërtimi i Korridorit 8 dhe 10-D paraqet një investim të rëndësishëm kapital me përfitime të shumta ekonomike. Ky projekt vlerësohet edhe për rëndësinë gjeostrategjike.

Pjesë e Korridorit 8 që duhet ndërtuar është autostrada Tetovë-Gostivar – Kërçovë- Bokujçan -Strugë – Qafëthanë, përderisa Korridori 10-D do të lidhë Prilepin me Manastirin. Korridori 8 do të shtrihet në gjatësi prej 68 km përmes një autostrade me 6 korsi, kurse Korridori 10-D do të shtrihet në gjatësi prej 40 km. Korridori 8 së bashku me atë 10D në tërësi janë 110 kilometra autostradë, që pritet të përfundojë më 31 dhjetor 2027, pra për 4 vite e 7 muaj.

LEXONI GJITHASHTU:

• ‘Pjesë e korridorit të 8-të’, Rama publikon pamjet nga punimet në Elbasan-Qafë Thanë
• Do të kushtojë 1.1 mld euro, kur bëhet realitet Korridori Blu