Guvernatori i rajonit të Donetsk thirrje banorëve të largohen, shkak luftimet

Guvernatori i rajonit të Donetsk i bën thirrje banorëve të largohen, pasi sulmet ruse po intestifikohen, të cilat dita ditës avancojnë.

Dy ditë pasi presidenti Vladimir Putin shpalli fitoren me pushtimin  e një province të Ukrainës lindore thelbësore për qëllimet e tij të luftës, trupat e  Moskës kanë përshkallëzuar ofensivën e në provincën fqinje.

Ai pushtoi rajonin e Luhansk e tanimë vëmendja është në Donetsk.

“Ka rreth 350,000 qytetarë që kanë qëndruar këtu në rajon, krahasuar me 1.6 milionë që kanë jetuar  më parë. Është një numër shumë i rëndësishëm, prandaj qëllimi im kryesor – dhe do të flas për këtë me administratat lokale dhe do të jem më i prerë, pavarësisht asaj çfarë do të thonë njerëzit , mua më intereson jeta dhe shtëpitë e tyre, por është koha të largohen”, u shpreh Pavlo Kyrylenko.

Sipas të dhënave nga kombet e bashkuara të paktën 12 milionë njerëz janë larguar nga banesat e tyre që kur nisi pushtimi rus në Ukrainë

Më shumë se 5 milionë janë strehuar në shtetet fqinje, ndërsa 7 milionë të tjerë janë zhvendosur brenda Ukrainës.

Ndonëse me mijëra qytetarë kanë rindërtuar shtëpitë e tyre kryesisht në Kiev planet ushtarake të Putinit mbeten të paqarta dhe më shumë evakuime mund të vijojnë.

LEXONI GJITHASHTU:

• Kina e gatshme të thellojë bashkëpunimin shumëpalësh me Rusinë
• Koreja e Jugut paralajmëron hakmarrje në rast provokimi nga Veriu