Ish-deputeti i Partisë Socialiste, Ervin Bushati u shpreh në një intervistë për Euronews Albania se kryeministri nuk ka gjithnjë të drejtë.
Sipas tij, Edi Rama duhet të ishte në parlament për të diskutuar për çështjen McGonigal dhe për t’iu përgjigjur pyetjeve të opozitës.
“Në logjikën time duhet të ishte në parlament, është vendimmarrja e tij, kryeministri jo gjithmonë ka të drejtë sepse aty tregohet puna e qeverisë, aty dominohet jeta politike,” – u shpreh Bushati.
Nga ana tjetër ai komentoi dhe aksionin opozitar, të cilin e cilësoi një “autogol”.
Sipas tij bllokimi i parlamentit dhe prishja e seancave plenare vetëm sa i prish punë opozitës dhe i heq mundësinë për të folur mbi qëndrimet e saj.
LEXONI GJITHASHTU: