Anëtarja e Këshillit Kombëtar të Partisë Demokratike dhe ish-deputetja, Rudina Hajdari tha se kryedemokrati Sali Berisha është super energjik dhe këtë e tregoi në protestën e djeshme.
Në një intervistë për “Euronews Albania”, Hajdari u shpreh se edhe vetë socialistët që ndoshta e kanë urryer Berishën, e admirojnë për këtë fakt.
“Çështja është ku do jetë kryetari i partisë nesër, do flejë gjumë apo do rikthehet prapë në selinë e Partisë Demokratike dhe do vazhdojë me aktivitetet e tij. Unë mendoj që kemi parë një kryetar partie që është super energjik.
Edhe Partia Socialiste apo kushdo socialist që e ka urren zotin Berisha, e ka admiruar këtë fakt të tij që është në gjendje të ringrejë Partinë Demokratike dhe tashmë ai këtë e ka faktuar”, theksoi ajo.
Sipas Hajdarit, nëse ish-kryetari i PD-së Lulzim Basha do kishte sot logon e partisë dhe do të organizonte një protestë, nuk do ishte në gjendje të mblidhje aq shumë njerëz sa ishin dje në Bulevardin “Dëshmorët e Kombit”.
LEXONI GJITHASHTU
