Hakerat kanë kapacitet për të depërtuar më thellë se kaq, thotë juristi

Juristi Plarent Ndreca komentoi në një intervistë për Euronews Albania sulmet kibernetike ndaj Shqipërisë.

Sipas tij hakerat kanë kapacitet për të depërtuar më thellë se kaq.

Sulme të tilla, u shpreh Ndreca, kanë dëmtuar edhe struktura shumë më të konsoliduara se e Shqipërisë.

“Unë besoj që fakti që një shtet i akuzuar tashmë është mbas këtyre sulmeve, i kanë të gjitha kapacitetet në këtë fushë për të depërtuar akoma më thellë sesa është publikuar. Mos të harrojmë që sulme të tilla, jo vetëm nga Irani, por edhe nga shtete të tjera kanë dëmtuar infrastruktura shumë më të konsoliduara sesa e jona. Por, sidoqoftë ngelet për të parë se sa këta kanë arritur të penetrojnë në strukturat tona digjitale,” – u shpreh Ndreca.

Juristi tha se ekspozimi i këtyre informacioneve po bëhet me qëllim dëmtimin e veprimtarisë së përditshme të institucioneve dhe vetë imazhit të Shqipërisë.

LEXONI GJITHASHTU:

• ‘Do ketë probleme për Gledis Nanon nga bota e krimit’, eksperti ngre alarmin