Hakerët kinezë vënë në objektiv familjen Trump dhe këshilltarët e presidentit Biden

Anëtarë të familjes së ish-Presidentit Donald Trump dhe zyrtarë të administratës së Presidentit Biden janë bërë objekt i hakerëve të lidhur me Kinën, sipas njoftimeve të gazetës “New York Times”.

Hakerët arritën të depërtonin në sistemet e kompanive të telekomunikacionit, duke shënjestruar individë të njohur si Eric Trump, Jared Kushner, dhe udhëheqësin e shumicës në Senat, Chuck Schumer.

Rritja e shqetësimeve për këta hakerë pasoi një raport nga “Wall Street Journal”, i cili njoftoi se grupi i quajtur “Salt Typhoon” kishte depërtuar në rrjetet e kompanive të telekomunikacionit, duke aksesuar të dhëna nga sistemet që përdor qeveria federale për përgjimet e autorizuara.

Përfaqësuesit e Departamentit të Shtetit dhe të familjes Trump nuk iu përgjigjën kërkesave për koment nga agjencia Reuters, ashtu si Shtëpia e Bardhë dhe Agjencia e Sigurisë Kombëtare.

Ambasada kineze në Uashington nuk ka komentuar mbi këto akuzata, edhe pse Pekini vazhdimisht mohon lidhjet me fushatat e spiunazhit kibernetik.

LEXONI GJITHASHTU:

• Një javë para zgjedhjeve në SHBA, çfarë tregojnë sondazhet për rivalët Trump-Harris
• Siguroi mbështetje nga figura myslimane në fushatë, Trump kritikohet nga demokratët