Hakërimi i email-eve të SPAK, reagon drejtori i Hetimit Tatimor

Drejtori i Hetimit Tatimor, Anton Martini këtë të premte ka bërë një reagim lidhur përmendjen e emrit të tij në rastin e hakërimit të sistemit elektronik të SPAK. Martini ka theksuar se këto pretendime janë të pavërteta.

Ai thekson se nuk ka patur dhe se nuk ka dijeni lidhur me këtë rast. Ndër të tjera, Martini shton se ka kontaktuar edhe më prokurorin e çështjes ku i ka shprehur shqetësimet e tij.

“Në lidhje me përmendjen dashakeqe të emrit tim në disa shkrime të publikuara sot, që më lidhin me çështjen e daljes së disa akteve nga email-i i Prokurorisë së Posaçme, sqaroj se nuk kam pasur dhe nuk kam asnjë dijeni për këtë fakt, në asnjë rrethanë.

Për këtë arsye, kam kontaktuar edhe prokurorin e çështjes, të cilit i shpreha shqetësimin tim lidhur me këto shpifje të pabazuara.

Gjithashtu, si ish-koleg i tyre, shpreh mbështetjen time të plotë për punën dhe integritetin e Prokurorisë së Posaçme”, thuhet në reagimin e tij drejtorit të Hetimit Tatimor.