Hapen letrat 250-vjeçare, u ishin dërguar marinarëve francezë të kapur rob në 1700

Plot 250 vjet nga momenti kur u shkruan, një stok letrash të dërguara për marinarët francezë janë hapur dhe studiuar. Marinarët u kapën rob nga britanikët në kulmin e luftës 7-vjeçare dhe u mbajtën në burg në Mbretërinë e Bashkuar.

Letrat e shumta iu dërguan detarëve nga bashkëshortet dhe nënat, që nuk ishin në dijeni të fatit të të dashurve të tyre. Ato u zbuluan në arkivat britanike nga një profesor francez në Universitetin e Kembrixhit.

“E kuptova menjëherë se këto nuk ishin letra diplomatësh, aristokratësh, apo të klasit të lartë, por letra nga njerëz të zakonshëm. U emocionova shumë dhe menjëherë kuptova se ky stok letrash ishte një objekt unik dhe emocioni më i madh që kam përjetuar deri më sot si historian”, tha Renaud Morieux, profesor i historisë evropiane nw Universitetin e Kembrixhit.

Letrat hedhin dritë mbi jetën e familjeve gjatë viteve 1.700. Në disa prej tyre shprehet dashuria dhe besnikëria ndaj bashkëshortëve dhe të fejuarve të humbur. Në njërën prej tyre, e shkruar nga një nënë për të birin, djali kritikohet për faktin se nuk i përgjigjej së ëmës. Mendohet se disa nga dërguesit ndërruan jetë pa i parë sërish të dashurit e tyre.

LEXONI GJITHASHTU:

• Nën hetim për korrupsion, jep dorëheqjen kryeministri i Portugalisë
• VIDEO/ Sulmohet me armë eskorta e presidentit palestinez