Hapja e kufijve me Greqinë më 1 korrik ende pa konfirmim zyrtar

Euronews Albania u interesua pranë Ministrisë së Jashtme lidhur me lajmin se Greqia në datën 1 korrik do të hapë kufijtë me Shqipërinë, dhe nga ana e tyre mohohet të ketë pasur komunikim me homologët grekë.

Po ashtu, dhe Drejtoria e Kufirit në Qarkun e në Qarkun e Korçës ende nuk ka marrë asnjë shkresë zyrtare për të hapur pikën e kalimit kufitar të Kapshticës.

Zëdhënësi i Qeverisë, Greke Stelios Petsas ka deklaruar se Kapshtica e Kakavija do të jenë të vetmet kalime kufitare, ndërkohë që Qafë-Bota, Ripsi, Sopiku dhe Tre Urat do të jenë të mbyllura.

“Nga pasneser mund te hyjne anijet ne portet greke dhe gjithashtu hapen dhe portat e: Kavavijes, Kapshticës, Promahona, Ninfea, Kastanion dhe Kipon,” deklaroi zyrtari grek.

Por burimet e mësipërme konfirmuan për Euronews Albania se në Shqipëri nuk ka ende asgjë zyrtare.

Lexoni gjithashtu:

Euronews Albania shpjegon pse kufijtë e BE mbeten të mbyllur për shqiptarët

Vendimi, kufijtë e BE-së mbeten të mbyllur për shqiptarët

BE hap kufijtë më 1 korrik, por jo për SHBA-të, Brazilin, Rusinë

Komisioni Evropian udhëzon hapjen e kufijve të BE-së me Ballkanin që me 1 korrik