Harris i kërkon Izraelit të sigurojë një plan humanitar ‘të besueshëm’ në Gaza

Zëvendëspresidentja e SHBA-së, Kamala Harris, i kërkoi Izraelit të hartojë një plan “të besueshëm” humanitar përpara çdo aktiviteti të madh ushtarak në Rafah. Ajo foli gjatë një takimi me anëtarin e kabinetit të luftës izraelite, Benny Gantz të hënën.

Sipas mediave të huaja, Izraeli duhet të hartojë një plan “të besueshëm” humanitar përpara se të përparojë më tej në Gazën jugore, i ka thënë zëvendëspresidenti amerikan njërit prej ministrave të tij të lartë.

Kamala Harris i kërkoi gjithashtu anëtarit të kabinetit të luftës izraelite Benny Gantz, të rrisë ndihmën për enklavën e shkatërruar.

Muajin e kaluar, Izraeli i shtoi bombardimet e tij ndaj Rafahut në jug të Gazës, ku besohet se janë grumbulluar rreth 1.5 milionë njerëz, shumica e të cilëve janë larguar nga ofensiva më në veri.

Ndërsa shqetësimet rriten për një katastrofë humanitare, Harris ndoqi mesazhin e saj nga e diela, kur ajo i bëri thirrje Hamasit të pranonte kushtet për një armëpushim të menjëhershëm dhe i përshkroi kushtet në Gaza si “çnjerëzore”.

“[Ata] diskutuan situatën në Rafah dhe nevojën për një plan humanitar të besueshëm dhe të zbatueshëm përpara se të mendohet për ndonjë operacion të madh ushtarak atje, duke pasur parasysh rreziqet për civilët,” tha Shtëpia e Bardhë në lidhje me takimin të hënën.

Në një postim në X, Harris tha se ajo “përsëriti” mbështetjen për “të drejtën e Izraelit për të mbrojtur veten” dhe diskutoi nevojën për të rritur rrjedhën e ndihmave në Gaza.

LEXONI GJITHASHTU:

• Shanse për armëpushim në Gaza, Hamasi dhe Izraeli përafrojnë qëndrimet
• Biden dërgon ndihmat e para për palestinezët, 3 avionë amerikanë shkojnë në Gaza