Harry dhe Meghan injorojnë vendimin e mbretit, festë në klubin luksoz të Los Angeles

Princi Harry dhe bashkëshortja Meghan Markle vendosën ta marrin me qetësi vendimin e mbretit Charles për t’i dëbuar nga shtëpia e tyre në Britaninë e Madhe.

Si për të treguar se vendimi i monarkut nuk i interesonte, çifti vendosi të kalonte një natë jashtë në një nga klubet më ekskluzive të Los Anxhelesit.

Pavarësisht zërave se dëbimi i kishte lënë të inatosur, Harry dhe Meghan u shfaqën më të qeshur se kurrë teksa hynin në klubin prestigjioz njëkatësh “San Vicente” të qytetit të engjëjve.

Por ajo që ra në sy ishte diçka tjetër; së pari tarifa e abonimit prej 4 mijë e 200 dollarësh në resortin e luksoz, i ndjekur nga çmimet e shtrenjta të rrobave të veshura nga Meghan.

Pasi zbriti nga një fuoristradë me shofer, 41-vjeçarja u shfaq me një pallto bezhë që mban firmën e “Carolina Herrera” me vlerë 1 mijë e 610 dollarë, të cilën e kishte kombinuar me një palë këpucë me taka të larta të markës “Christian Dior” me vlerë 625 dollarë, si dhe me një çantë nga e njëjta firmë. Pa anashkaluar pantallonat prej lëkure origjinale, me vlerë rreth 280 dollarë.

Ndërkohë, bashkëshorti i saj u shfaq me një stil “casual”, i veshur me xhinse të errëta, atlete dhe bluzë blu, si dhe një xhaketë sportive gri.

Me ta u bashkuan edhe disa miq, me të cilët ish-çifti mbretëror kaloi disa orë duke u argëtuar.

LEXONI GJITHASHTU:

• ‘E turpshme’, Princi Harry shtang rrjetin me komentet perverse rreth nënës së tij 
• Mediat britanike: Princi Harry i padëshiruar në kurorëzimin e mbretit Charles