Harry Kane i dyzuar për të ardhmen, pika e kontratës që e lidh me Tottenham

Që prej mbërritjes në Mynih, Harry Kane është kthyer në lojtarin kryesor të Bayernit, jo vetëm si titullar i padiskutueshëm në formacionin e Kompany, por edhe si shembull për gjithë skuadrën.

Rekordmenët e Gjermanisë kanë një rekord absolut këtë sezon me 16 fitore radhazi në të gjitha kompeticionet, dhe britaniku ka një meritë të madhe në këtë sukses.

Megjithatë, Kane duket i dyzuar për të ardhmen e tij ndërsa mediat britanike raportojnë për një rikthim të mundshëm në Londër, te ish-skuadra Tottenham.

Në rast se Kane mbyll rrugëtimin me kampionët e Gjermanisë, pika e kontratës i jep Tottenham të drejtën të firmosë me të përpara çdo skuadre tjetër.

Londinezët mund ta refuzojnë këtë mundësi nëse e dëshirojnë, por për momentin ky është një avantazh i qartë për skuadrën e udhëhequr nga Thomas Frank, e cila dëshiron ta afrojë sulmuesin shtatlartë.

Përveç Kane, Tottenham po mendon edhe për afrimin e brazilianit Rodrygo nga Real Madrid, një mision që duket i mundur pasi anësori është i pakënaqur me situatën e tij aktuale.