Harta e drogës në Tiranë: Emrat që po kontrollojnë kokainën, “notojnë” në para

20 persona janë arrestuar sot për trafik kokaine në Tiranë. 4 janë shpallur në kërkim. Pjesë e grupit kanë qenë edhe disa gra.

Gazetari Fatjon Gjinaj tha në “Now me Erla Mëhillin” se grupi i cili u godit sot nga policia është me spaçator.

Sipas tij këta persona janë të lidhur edhe me grupe të tjera kriminale. Emrat që po kontrollojnë kokainën janë ata që “notojnë” mes luksit dhe parave.

“Në informacionet që unë kam, të konfirmuara edhe në rrugë zyrtare, ky grup ka të bëjë me një organizim fundor, pra këta janë shpërndarësit, ndërkohë që ka dyshime se disa prej tyre pavarësisht se nuk është arritur pasi flisnin me kode, personat thonë, burime që kanë investuar në këtë rrjet nuk kanë pasur kontakt direkt me lëndën narkotike dhe kanë qenë të kamufluar të bihet në gjurmët e tyre duke i dokumentuar me prova, pavarësisht se policia ka indicie për personazhe që nuk jetojnë në Shqipëri që janë pjesë e organizimit të këtij rrjeti,” – u shpreh Gjinaj.

LEXONI GJITHASHTU:

• Hajdarmataj: Si iu mbyll dosja e kokainës kryebashkiakut të Ramës
• Qendra Evropiane e Drogës: Kokaina gjithnjë e më popullore, ja ku gjendet kryesisht