HARTAT/ Sulmet Houthi në Detin e Kuq, ja si devijojnë rrugën anijet e mallrave

Ditët e fundit Deti i Kuq është “mbërthyer” nga sulmet e rebelëve Houthi, të cilët godasin kryesisht anijet e mallrave.

Mediat e huaja kanë publikuar dy harta që tregojnë pse mbrojtja e rrugës së transportit të Detit të Kuq është kaq thelbësore për SHBA dhe Mbretërinë e Bashkuar.

Firmat e mëdha të transportit detar kanë devijuar ngarkesën e tyre nga rruga që kur Houthi-t filluan sulmet e para në nëntor.

Në hartat në fjalë duket qartë rruga shumë më e gjatë që po përshkrojnë anijet e mallrave që vijnë nga Lindja, duke kaluar në jug të Afrikës, për të arritur në Europë.

Sipas të dhënave nga faqja e internetit Marine Traffic, ka pasur një reduktim në cisternat e naftës dhe gazit, por Shoqata Ndërkombëtare e Pronarëve të Pavarur të Tankerëve ka këshilluar transportin detar që të shmangë kalimin nëpër zonë dhe të fikë transmetuesit e tyre nëse e bëjnë këtë.

Është gjithashtu interesante të theksohet se disa anije që kalojnë bregun e Jemenit nuk listojnë asnjë destinacion ose “asnjë kontakt me Izraelin”. Të tjerë po deklarojnë “roje të armatosura në bord”.

LEXONI GJITHASHTU:

• Pas sulmeve ndaj rebelëve Houthi, rriten çmimet e naftës së papërpunuar
• Përse Britania dhe SHBA goditën grupin Houthi? Eksperti zbulon planin