Hasho: Shoferët e rinj të çmendur në timon, ku duhet të përqendrohet vëmendja

Eksperti rrugor Fatmir Hasho, në një intervistë për Euronews Albania shprehet se sot shoferët e rinj nuk dinë të drejtojnë makinën, pasi sipas tij nuk dinë bazat e drejtimit të automjetit.

Më tej ai theksoi se drejtuesit e rinj janë të çmendur në timon, ndërsa me këmbëngulje thotë se vëmendja duhet të përqendrohet te formimi i tyre për të mësuar siç duhet makinën.

“Shumicën e aksidenteve e kemi pasur me dalje nga rruga. Kjo humbje kontrolli bazohet në mosdijen për t’i dhënë makinën. Nuk dinë bazat e drejtimit të automjetit. Mua më shqetëson formimi i drejtuesve të mjeteve. Nuk po mbroj sinjalistikën, por unë këmbëngul që vitin e fundit, e gjithë vëmendja duhet të përqendrohet te drejtuesit e mjeteve. Janë të çmendur në timon”,- tha ai.

Hasho u theksoi se shoferët e rinj, nuk ecin sipas normave të qarkullimit rrugor.

LEXONI GJITHASHTU: 

• E përplas makina brenda oborrit të shtëpisë, humb jetën 25-vjeçarja
• Me motor dhe skafandër, si u ekzekutua me 5 plumba Ismet Çekorja (Dinamika)