Hazard ‘braktis’ Belgjikën, sulmuesi 31-vjeçar njofton tërheqjen nga kombëtarja

Dështimi në edicionin e 22 të kupës së botës ka pasur pasoja tek skuadra e Belgjikës. Djajtë zhvilluan një performancë zhgënjyese, teksa u eleminuan në fazën e grupeve.

Kombëtarja belge ka publikuar në faqen zyrtare në Tëitter se Eden Hazard është tërhequr dhe nuk do të jetë më pjesë e skuadrës.

31-vjeçari ka debutuar në vitin 2008 me skuadrën e djajve ku ka zhvilluar 126 ndeshje dhe ka gjetur 33 herë rrugë ne rrjetës. Sulmuesi i Realit të Madridit ishte padyshim një nga yjet kryesorë të skuadrës, por forma jo e mirë në Spanjë u pasqyrua dhe në kombëtare.

Pavarësisht se ishte kapiteni dhe udhëheqësi i Belgjikës, në këtë ‘Katar 2022’, belgët u pozicionuan të tretët në grup me 4 pikë, ku mposhtën Kanadanë, barazuan me Kroacinë dhe humbën ndaj Marokut 0-2.

Arritja më e mirë e kombëtares së Belgjikës ishte ajo në botërorin e zhvilluar në Rusi në 20018-ën ku mbërritën deri në fazën gjysmëfinale ku u mposhtën nga Franca 1-0.

LEXONI GJITHASHTU

• 200 milion euro në vit te skuadra saudite? Ronaldo flet për të ardhmen e tij
• Xherdan Shaqiri: Doja të shënoja edhe një gol ndaj Serbisë
• Tifozja: Erdhi sigurimi për të më shoqëruar, mendova se do më gjuanin tifozët serbë