Hazard pranë pensionimit, u largua nga Real Madrid, nuk aktivizohej prej 1 viti

Ylli i kombëtares së Belgjikës, Eden Hazard mund të tërhiqet nga futbolli në moshën 32-vjeçare.

Ky është lajmi që po qarkullon në mediat spanjolle, me sulmuesin i cili i dha lamtumirën Realit të Madridit. Prej më tepër se 1 viti qëndron në stol, duke mos u preferuar nga tekniku Carlo Ancelotti.

El Mundo Deportivo shton më tej se ndaj tij ka pasur disa oferta nga klube të ndryshme evropiane, por Hazard po mendon se zgjidhja më e mirë është tërheqja nga futbolli.

Që prej mbërritjes në kryeqytetin spanjoll, 32-vjeçari ka luajtur vetëm 54 ndeshje, në të cilat ka shënuar 4 gola. Belgu kishte dhe një vit kontratë me Realin e Madridit, por duket se situata e shkaktuar bëri që ta ndërpriste atë me konsensus.

Kujtojmë se në muajin dhjetor Hazard i dha lamtumirën dhe kombëtares belge, ndërsa tanimë duket se i ka mbyllur llogaritë me futbollin e luajtur.

Plani i tij është qëndrimi në Spanjë me familjen, por larg fushave të blerta. Eden Hazard është cilësuar si një ndër futbollistët më të mirë të Evropës disa vite më parë, ndërsa ishte pjesë e skuadrës së Chelseas, aty ku qëndroi për 7 vite. Me kombëtaren numëron 126 paraqitje dhe 33 gola.

LEXONI GJITHASHTU:

• Karim Benzema largohet nga Real Madridi pas 14 vjetësh
• Real Madrid shtanget nga Girona, titulli në duart e Barcelonës