Hegseth: SHBA ishte përgatitur të zbatonte kërcënimin e Trump për t’i dhënë fund qytetërimit në Iran

Sekretari i Mbrojtjes i SHBA-së, Pete Hegseth ka deklaruar se SHBA-të kishin planifikuar të godisnin disa objektiva në Iran, duke përfshirë urat dhe termocentralet, nëse marrëveshja e armëpushimit nuk do të arrihej të martën.

Kur u pyet gjatë një konference për shtyp në lidhje me kërcënimin e presidentita amerikan, Donald Trump se një qytetërim i tërë do të vdesë nëse nuk arrihej një marrëveshje, Hegseth tha se ata kishin vendosur një objektiv të plotë për infrastrukturën.

“Ata e dinin saktësisht shkallën e asaj që ishim të aftë të bënim”, tha Hegseth për Iranin.

Hegseth shtoi se paralajmërimi i Trump është ai që e solli Iranin në tryezën e negociatave dhe në fund çoi në një armëpushim dyjavor.

“Trump në fund tha: ‘Mund t’jua marrim të gjitha. Aftësia juaj për të eksportuar energji do të hiqet dhe ushtria e Shteteve të Bashkuara ka aftësinë t’i godasë ato gjëra pa u ndëshkuar’. Ky lloj kërcënimi i çoi ata në atë pikë ku ata në fakt thanë: ‘Hej, në rregull, ne duam ta ndërpresim këtë marrëveshje’”, u tha Hegseth gazetarëve.