Heqja e rimbursimit 20% për fermerët solli informalitet, thotë eksperti

Heqja e rimbursimit 20 për qind për fermerët si një aspekt i formalizmit të tyre është shkaku kryesor i krizës në këtë sektor.

Agim Rrapaj, nga Këshilli i Agrobiznesit Shqiptar tha në emisionin ‘Sot’ në Euronews Albania se heqja e pakonsulutuar e këtij instrumenti bëri që shumica e blegtorëve të shkojnë në informalitet.

“Realisht e  kishim një paketë fiskale ku fermeri rimbursohej me 20 për qind të TVSH, një element i rëndësishëm për formalizimin e fermerëve. E hoqëm këtë instrument të rëndësishëm ndaj po ndodh kjo. Askush nuk analizon pse ky instrument i rëndësishëm i formalizmit të fermerëve u hoq. U hoq pa u konsultuar për pasojat. Heqja e tij bëri që shumica e blegtorëve të shkojnë në informalitet, që të çon në këtë situatë”, tha Rrapaj.

LEXONI GJITHASHTU:

• Bujqësia nuk njohu zhvillim gjatë 2021, fermerët të pakënaqur me taksat e reja
• ‘Bujqësia në ditët e saj më të zeza’, deputeti: Ministrja e Bujqësisë s’mban përgjegjësi