Hetimet për mafian shqiptare, arrestohen mbi 30 persona në Ekuador e Spanjë

Policia në Ekuador dhe Spanjë ka arrestuar të paktën 30 persona në operacione të njëkohshme si pjesë e një hetimi për krimin e organizuar shqiptar, tha të martën zyra e Prokurorit të Përgjithshëm të Ekuadorit.

Prokurorët nga të dy vendet kryen 57 bastisje në gjashtë provinca të Ekuadorit dhe në katër qytete spanjolle lidhur me pastrimin e parave dhe trafikun e drogës.

Bastisjet ndodhën në mes të një ofensive ushtarake të nisur nga presidenti i Ekuadorit Daniel Noboa për të luftuar bandat kriminale në vendin e Amerikës së Jugut, të cilin ai e ka cilësuar si terroristë.

“Operacioni u krye në bashkëpunim me zyrën e prokurorit të përgjithshëm në Spanjë (ku u bënë 12 nga arrestimet dhe u sekuestruan 450,000 euro) me 45 prokurorë që morën pjesë me stafin e tyre mbështetës,” tha zyra e Prokurorit të Përgjithshëm të Ekuadorit përmes mediave sociale, pa duke dhënë detaje të mëtejshme.

Paratë e sekuestruara kapin vlerën e rreth 483,000 dollarë.

Prokurorët gjetën gjithashtu para dhe armë zjarri, si dhe sekuestruan prona dhe automjete.

LEXONI GJITHASHTU:

• Arrestohet bosi i mafias italiane, si u largua me çarçaf nga burgu 1 vit më parë
• I akuzuar për pastrim të parave të mafias, GJKKO shtyn seancën ndaj Rezart Taçit