Hezbollah: Të gatshëm të luftojmë kundër Izraelit. Kërcënon SHBA: Mos e bëni!

Hezbollahu, grupi i fuqishëm i mbështetur nga Irani ka thënë se është “gati” të “kontribuojë” në konfrontimet kundër Izraelit. Përmes një deklarate për media këtë të premte, Hezbollah shprehu gatishmërinë për t’u përfshirë në luftën Hamas-Izrael.

Deklaratë e Hezbollah vjen në një kohë kur ka patur paralajmërime të ashpra nga ndërkombëtarët që ai të mos përfshihet në konfliktin në Izrael.

Teksa ndodhej në Izrael, Sekretari Amerikan i Mbrojtjes Lloyd Austin, u pyet nëse SHBA do të merrte pjesë në luftë nëse Hezbollah do të përfshihej

Austin nuk dha një përgjigje të prerë, por theksoi se mbështetja Amerikane ndaj Izraelit, është dhe do të vijojë të jetë e “hekurt”.

“Nëse Izraeli do të sulmohet nga Hezbollahu në veri, a do të jeni të gatshëm të ushtroni forcën tuaj dhe t’i bashkoheni luftës?”- u pyet Lloyd Austin.

“Kam urdhëruar asete shtesë në rajon për të forcuar parandalimin,” u përgjigj Sekretari Amerikan i Mbrojtjes.

“Mesazhi që ne do t’i dërgonim çdo vendi apo grupi që mendon të përfitojë nga kjo situatë dhe të zgjerojë konfliktin është: Mos e bëni.

Nuk dua të spekuloj për ndonjë gjë që mund të ndodhë në të ardhmen.

Unë thjesht do t’ju them qartë se SHBA do të vazhdojë të mbështesë të drejtën e Izraelit për të mbrojtur veten”, tha ai.

Izraeli ka lëvizur forca të blinduara drejt kufirit të tij verior në përgatitje për një sulm të mundshëm këmbësorie në Gaza.

Hezbollahu, një grup shiit libanez, është lidhur prej kohësh me çështjen palestineze.

LEXONI GJITHASHTU:

• Vrasja e 40 foshnjave, paralajmëron gjenerali izraelit: Deshët ferrin, atë do merrni
• Çfarë është Hezbollahu, kur u krijua dhe pse po sulmon Izraelin