Në presidencë është hedhur këtë të hënë shorti për zgjedhjen e 9 anëtarëve të Këshillit të Emërimeve në Drejtësi.
Kryetar i Këshillit për vitin 2025 do të jetë drejtuesi i Gjykatës së Lartë, Sokol Sadushi.
Këshilli i Emërimeve në Drejtësi do të funksionojë nga data 1 janar 2025 deri më 31 dhjetor 2025.
“Në Institucionin e Presidentit të Republikës u hodh sot shorti për zgjedhjen e anëtarëve të Këshillit të Emërimeve në Drejtësi, që do të funksionojë përgjatë vitit 2025. Procedura e hedhjes së shortit u ndoq nga Presidenti i Republikës, Sh. T. Z. Bajram Begaj, dhe i gjithë procesi iu nënshtrua plotësisht parimeve të transparencës, gjurmueshmërisë dhe monitorimit, përfshirë dhe transmetimin live, që mundësoi ndjekjen drejtpërdrejt nga ta gjithë institucionet, subjektet e interesuara dhe publiku.
Në hedhjen e shortit ishin të pranishëm Avokati i Popullit, përfaqësues nga Kuvendi i Republikës së Shqipërisë, Gjykata Kushtetuese, Këshilli i Lartë Gjyqësor dhe Këshilli i Lartë i Prokurorisë, si edhe përfaqësues ligjorë nga EURALIUS dhe ODAPT”, thuhet në njoftimin e Presidencës.
Fituesit mes 8 gjyqtarëve kandidatë të Gjykatës Kushtetuese janë:
- Marjana Selimi – anëtare
- Ilir Toska – anëtar
- Marsida Xhaferllari – anëtare zëvendësuese
Fituesit mes 17 kandidatëve nga Gjykata e Lartë janë:
- Sokol Sadushi – anëtar dhe kryetar i këtij këshilli për vitin 2025
- Medi Bici – anëtar zëvendësues
Fituesit mes prokurorëve kandidatë nga Prokuroria e Përgjithshme janë:
- Alma Muça – anëtare
- Thoma Jano – anëtar zëvendësues
Fituesit mes 45 kandidatëve të gjyqtarëve të Gjykatave të Apelit janë magjistratët:
- Fuat Vjerdha – anëtar
- Enkela Vlora – anëtare
- Elvana Ciçolli – anëtare zëvendësuese
Mes 9 prokurorëve kandidatë nga Prokuroria e Apelit të Juridiksionit të Përgjithshëm, fitues janë:
- Irma Balli – anëtare
- Etjen Kapo – anëtar
- Genti Xholi – anëtar zëvendësues
Mes 10 gjyqtarëve kandidatë nga Gjykatat Administrative, fitues janë:
- Nafije Hasko – anëtare
- Bezart Kaçkini – anëtar zëvendësues
Këshilli i Emërimeve në Drejtësi do të funksionojë nga data 1 janar 2025 deri më 31 dhjetor 2025.
LEXONI GJITHASHTU:
- KED nis mbledhjen e radhës me shkelje flagrante të Kushtetutës
- Vakanca në Kushtetuese, mblidhet KED, shqyrtimi i 10 kandidaturave
