Hitaj: Gjyqi ndaj Berishës po shtyhet qëllimisht, një qytetar i thjeshtë nuk do…

Gazetari Arbër Hitaj tha në emisionin Now në Euronews Albania se shtyrja e vazhdueshme e gjyqit ndaj ish-kryeministrit Sali Berisha bëhet në mënyrë të qëllimshme nga GJKKO.

Sipas tij, politika është duke u favorizuar nga drejtësia, pasi një njeriu të thjeshtë nuk do i ishin toleruar gjithë ato shtyrje për kërkesa të avokatëve.

“Shikoj që është e qëllimshme nga GJKKO për ta shtyrë vendimin për Berishën për të parë një herë rezultatin e zgjedhjeve, një njeriu të thjeshtë nuk do t’ia shtynin”, tha Hitaj.

Gazetari Bledian Koka e kundërshtoi këtë deklaratë teksa solli shembullin e padisë që Erion Veliaj ka bërë ndaj tij, gjyqi për të cilën siç tha është shtyrë 2 vjet në gjykatë penale.

“Politika nuk po trajtohet si njerëzit e thjeshtë, po të ishte një njëri i thjeshtë do t’ia zëvendësonin avokatin. Mund të jetë një armëpushim i momentit ose ndoshta kërkojnë pazar se duke pasur një qajse pozitive do vijë dita që mund të kenë një favorizim”, u përgjigj Hitaj.

LEXONI GJITHASHTU:

• Berisha: Qeveria do të paguajë sigurimet shoqërore për punësimin e të rinjve
• Buzhala: Rama në rënie, Berisha rritet ngadalë! Skena po hapet për liderë të rinj