Hixhabi i Mahsa Amin trondit botën, përjetësohet përmes veprave të artit
Një vrasje që shkaktoi më pas qindra viktima të tjera.
Mahsa Amin u vra më 16 shtator sepse nuk kishte vendosur si duhet hixhabin, moment ky që solli një valë protestash të dhunshme në rrugët e Iranit.
Rasti i 22-vjeçares ka ngjallur reagime në mbarë botën, ndërsa artistë të ndryshëm janë përpjekur që përmes artit të tyre të rrisin reagimin qytetar e të mbajnë gjallë protestat.
Ky është dhe rasti i artistit të Instagram-it Jalz, i cili bashkoi në një kolazh Kullën Azadi ose Kullën e Lirisë dhe pikturën e vitit 1910 “La danse” të Henry Matisse.
Piktura simbolizon ndjenjën e çlirimit, ndërsa në sfond është pikërisht vendi i revolucionit iranian. Në të, Jalz ka shkruar një frazë kurde që përkthehet: “Gratë, Jeta, Liria”, një shprehje simbol kjo që ka shoqëruar çdo protestë për 22-vjeçaren Mahsa Amin.
Për më tepër, lakuriqësia e paraqitur në pikturë është në kontrast me realitetin aktual ku gratë detyrohen të mbulohen.
Sipas artistit, vepra të tilla e bëjnë jetëgjatë këtë lëvizje sepse pavarësisht gjuhës apo dallimeve kulturore, të gjithë mund të biem dakord se ka një ngurtësi që rrethon lirinë e grave iraniane.
LEXONI GJITHASHTU:
Dy vjet pa gjeniun e letërsisë shqipe, Ismail Kadare
Korça mikpret “Vox Baroque”, muzika spanjolle dhe arti ndërkombëtar mbushin Galerinë e Arteve Dixhitale
Dua Lipa hap Bibliotekën Manifesto, një hapësirë kushtuar librave të ndaluar dhe të censuruar
- 09:39 Numri i rasteve të konfirmuara me Ebola në Kongo rritet në 1,460
- 09:37 Autobusi i pasagjerëve bie në përrua, të paktën 40 të vdekur të paktën në Pakistan
- 09:28 Ceremonia mortore e Ajatollah Ali Khameneit, Irani paralajmëron SHBA-në dhe Izraelin: Mos gaboni të sulmoni
- 09:20 Vala e të nxehtit në Francë, mbi 2,000 të vdekur vetëm gjatë muajit qershor
- 09:14 Protestuesi i vë flakën vetes jashtë selisë së OKB-së në Nju Jork
- 09:12 Identifikohet autori i sulmit me bombë në Monako, ku u plagos oligarku ukrainas. Lëshohet urdhër-arrest ndërkombëtar