Hodhi foshnjën e sapolindur në lumin Kir, dënohet me 22 vite burg nëna 33-vjeçare

33-vjeçarja, Orjana Gremi, që në muajin janar të vitit të kaluar, hodhi në ujërat e lumit Kir foshnjën e saj të sapo lindur, është dënuar me 22 vite burg.

Burime për Euronews Albania konfirmojnë se në seancën të mbajtur një ditë më parë në gjykatën e Shkodrës, e reja ka kërkuar mëshirë nga trupa gjykuese por që nuk është marrë në konsiderate nga gjykata e Shkodrës.

Mbi të rëndon akuza e “vrasjes së të miturit”.

Kujtojmë se foshnja e seksit mashkull lindi më 30 dhjetor 2022 ndërsa pak ditë më vonë u hodh në lumin Kir nga nëna e tij. Ajo ka deklaruar në atë kohë se nuk mund të kujdesej për të voglin.

Gremi ishte e pamartuar dhe ende nuk dihet se kush ishte i ati i foshnjës.

LEXONI GJITHASHTU:

• Hodhi në lumin Kir foshnjën e saj, arrestohet 32-vjeçarja

• Hodhi foshnjën në lumin Kir, 32-vjeçarja e pa martuar. Zbulohet me kë jetonte