Holanda skualifikohet nga Eurovizioni, shkak një incident në prapaskenë

Artisti holandez Joost Klein është skualifikuar nga Eurovizioni pas një incidenti në prapaskenë.

Performuesi u skualifikua nga gara pasi një anëtar i produksionit bëri një denoncim për kërcënim në policinë suedeze, raporton BBC.

Në një deklaratë, organizatorët e konkursit thanë se “nuk do të ishte e përshtatshme që ai të vazhdonte konkursin” ndërkohë që procesi ligjor është në vazhdim.

“Ne kemi një politikë zero tolerance për sjellje të papërshtatshme ndaj punonjësve tanë. Sjellja e tij ka tejkaluar normën”, u njoftua.

Klein ishte ndër favoritët për të fituar me këngën e tij “Europapa”.

Transmetuesi publik holandez AVROTROS tha se ishin “tronditur” nga deklarata e zyrtarit të EBU.

“Ne jemi njoftuar për përjashtimin, por dënimin e konsiderojmë joproporcional. Na vjen shumë keq dhe do të sqarojmë më vonë”, kanë thënë ata.

Portali nu.nl shkruan se u bë e qartë për publikun se diçka e çuditshme po ndodhte gjatë provës për finalen – Jost duhej të ishte i pesti në radhë, por Holand u anashkalua.

Më vonë doli se Jost nuk u lejua as të merrte pjesë në gjyqin e jurisë, i cili mbart rreth gjysmën e pikëve.

Asnjëherë në 68 vitet e Eurovision Song Contest asnjë vend nuk është tërhequr apo skualifikuar gjatë festivalit.

LEXONI GJITHASHTU:

• Protesta kundër pjesëmarrjes së Izraelit në Eurovizion
• Besa Kokëdhima elektrizon skenën e Eurovizion 2024 me Titan