Holandë: Protestuesit pro-palestinez pushtojnë ndërtesën e universitetit

Dhjetra demonstrues pro-palestinezë pushtuan ndërtesën e Fakultetit të Arteve dhe Shkencave Sociale të Universitetit të Mastrihtit (UM) në jug të Holandës, raporton televizioni “L1 Nieuws”.

Raportohet se demonstruesit kanë pushtuar ndërtesën e fakultetit mëngjesin e sotëm. Universiteti ka pezulluar përkohësisht mësimin në këtë fakultet. Protestuesit pro-palestinezë po kërkojnë që universiteti të ndërpresë të gjitha lidhjet me Izraelin.

Siç tha përfaqësuesi i Universitetit të Mastrihtit, Kuhn Augustin, për L1 Nieuws, nuk është ende e qartë se sa protestues janë në ndërtesë dhe nëse janë të gjithë studentë. Ai shtoi se mësimi në fakultetet e tjera do të rifillojë sot.

Që nga fillimi i majit, studentët pro-palestinezë kanë organizuar demonstrata në universitete në qytete të ndryshme të Holandës, duke përfshirë Amsterdamin, Utrecht, Groningen dhe të tjera, duke kërkuar që universitetet të ndërpresin të gjitha lidhjet me Izraelin.

LEXONI GJITHASHTU:

• Policia gjermane i largon protestuesit propalestinezë nga Universiteti i Berlinit
• Alibeaj: Marrëveshja e djeshme la në burg protestuesit dhe sulmoi SPAK-un