Hoteli i parë në botë ku ju shërbejnë robotët humanoid ‘Oto’

Në Otono-mous Hotel, i prezantuar si hoteli i parë në botë që funksionon plotësisht me inteligjencë artificiale, mysafirët nuk përshëndeten nga një person por nga Oto, robot humanoid që mban titullin “Chief Vibes Officer

Ai nuk është thjesht një pritës, por mund dhe të japë sugjerime për restorante. Oto dhe mund të reagojë ndaj problemeve personale të mysafirëve.

“Ne e quajmë konçierg, por duam që të jetë më shumë se kaq. Duam që të jetë shoku yt më i mirë – të kuptojë gjithçka për ty”, thotë Philippe Ziade, themelues dhe CEO i hotelit.

Check-in-i në hotel është plotësisht digjital: mysafirët ngarkojnë ID-në e tyre në telefon dhe hyjnë në dhomat e tyre përmes kodeve të gjeneruar nga aplikacioni i hotelit. Oto flet mbi 50 gjuhë dhe ka theks anglez, duke e bërë bisedën me të, të ndjehet sa më njerëzore dhe personale, shumë më tepër se një asistente zanore e zakonshme si Alexa apo Siri.

Edhe pse aktualisht Oto operon vetëm në hollin e hotelit, ai ofron një pamje të së ardhmes: një botë ku hotelet mund të funksionojnë po aq mbi inteligjencën artificiale sa mbi ndërveprimet njerëzore, duke krijuar përvojë unike dhe të personalizuar për çdo mysafir.