Hoxha: Policia e Kosovës, partner i rëndësishëm për sigurinë rajonale dhe më gjerë

Policia e Kosovës me përkushtimin dhe angazhimin e saj në ofrimin e sigurisë për të gjithë qytetarët e saj pa dallim, ka dëshmuar se ka qenë dhe mbetet një ndër institucionet më të besueshme në Republikën e Kosovës dhe një partner i rëndësishëm për sigurinë rajonale dhe më gjerë.

Kështu është shprehur këtë të premte drejtori i përgjithshëm i policisë, Gazmend Hoxha, gjatë një konference për media të mbajtur në veri të Mitrovicës, nga ku u prezantua puna dhe aktivitetet policore.

Policia e Kosovës po e bën të pamundurën që me kapacitetet e saja të garantojë siguri për të gjithë qytetarët pa dallim”, ka thënë Hoxha.

Duke u përgjigjur në pyetjen e gazetarëve të veriut se kur do të kthehen në punë policët e dorëhequr të nacionalitetit serb, Hoxha sqaroi se gjendja e krijuar rreth strukturës etnike të policisë në veri nuk është me fajin e policisë, por të dorëheqjeve të kolegëve që kishin presion politik.

Gjatë konferencës u prezantuan po ashtu statistika rreth numrit të përgjithshëm të policëve dhe përqindjes së tyre etnike në mbarë territorin e Kosovës.

LEXONI GJITHASHTU:

• Armenia njeh pasaportat e Kosovës
• Policia e Kosovës arreston katër të dyshuar për trafikim emigrantësh