Humb jetën gjatë punës minatori në Bulqizë, çfarë thotë policia

Një incident tragjik ka ndodhur këtë të mërkurë në një subjekt minerar në Bulqizë, ku një 66-vjeçar ka gjetur vdekjen gjatë punës.

Sipas njoftimit të policisë, ngjarja ka ndodhur rreth orës 11:40 të paradites, kur 66-vjeçari F.V., me detyrë ndihmës armator, është aksidentuar gjatë punës dhe për pasojë ka humbur jetën nga plagët e marra.

Njoftimi i policisë

Me datë 06.08.2025,  rreth orës 11.40, dyshohet se është aksidentuar gjatë punës në një subjekt minerar në Bulqizë dhe ka humbur jetën, shtetasi F.V.,  rreth 66 vjeç, me detyrë ndihmës armator.

Grupi hetimor nën drejtimin e Prokurorisë po punon për zbardhjen e shkaqeve të kësaj ngjarjeje.