Humbi jetën në aksident, 18-vjeçari djali i biznesmenit të njohur

Arlis Troplini është 18-vjeçari i cili humbi jetën në një aksident rrugor në autostradën Tiranë-Durrës, në orët e para të mëngjesit të datës 22 gusht.

I riu është djali i biznesmenit të njohur nga Durrësi, Fatos Troplini.

I riu ka humbur drejtimin e mjetit dhe ka përfunduar jashtë rruge në një kanal, ku mori dëmtime të rënda.

18-vjeçari u dërgua me urgjencë në spital, por nuk mundi t’i mbijetojë plagëve të marra duke ndërruar jetë.

Lajmi për ndarjen nga jeta të 18-vjeçarit është konfirmuar nga universiteti privat në Tiranë ku ai vijonte studimet.

Përmes një postimi në rrjete sociale, universiteti i shpreh ngushëllimet miqëve dhe të afërmve të 18-vjeçarit.

“Mesazh Ngushëllimi

Me pikëllim të thellë morëm lajmin për humbjen e parakohshme të jetës të studentit tonë Arlis Troplini. Ndarja nga jeta e Arlisit është një humbje e madhe për familjen e tij, shokët, miqtë dhe për të gjithë familjen e madhe të Universitetit. Arlisi la një dhimbje të madhe tek njerëzit e tij më të dashur. Shprehim ngushëllimet më të sinqerta për familjen dhe të afërmit e Arlisit. Mendimet dhe lutjet tona janë me ju”, shkruan Universiteti.

LEXONI GJITHASHTU:

• Aksident i rëndë në autostradën Tiranë-Durrës, ndërron jetë 18-vjeçari
• Konflikti për gërvishjen e makinave në Tiranë, arrestohet Fation Dauti