Humbja ruse mund të çojë në konflikt bërthamor, paralajmëron zyrtari rus

Dmitry Medvedev, nënkryetari i Këshillit të Sigurimit të Rusisë dhe aleati kryesor i presidentit Vladimir Putin, paralajmëroi të enjten se humbja e Rusisë në Ukrainë mund të çojë në konflikt bërthamor.

Ish-presidenti rus e bëri kërcënimin në një postim në rrjetet sociale përpara një takimi kyç të aleatëve të NATO-s dhe vendeve të tjera në Gjermani, ku ata pritet të bëjnë premtime shtesë për mbështetje ushtarake për Kievin.

“Humbja e një fuqie bërthamore në një luftë konvencionale mund të provokojë shpërthimin e një lufte bërthamore,” shkroi Medvedev.

“Fuqitë bërthamore nuk i humbasin konfliktet e mëdha nga të cilat varet fati i tyre.Kjo duhet të jetë e qartë për këdo. Madje edhe për një politikan perëndimor që ka ruajtur të paktën disa gjurmë inteligjence.”- shtoi ai.

Medvedev, i cili shërbeu si president i Rusisë nga viti 2008 deri në vitin 2012, ka pasur një ton luftarak gjatë pushtimit të Ukrainës nga Moska, duke ngritur vazhdimisht spektrin e konfliktit bërthamor.

LEXONI GJITHASHTU: 

• Borrell telefonatë me Blinken, temë diskutimi edhe Ballkani Perëndimor
• SHBA paketë të re ndihme për Ukrainën, 2.5 mld dollarë armë dhe pajisje ushtarake