Hungaria do të instalojë një sistem të mbrojtjes ajrore në pjesën verilindore të vendit, afër kufirit me Ukrainën, sepse kërcënimi i një përshkallëzimi të luftës ukrainas-ruse është “më i madh se kurrë”, tha ministri hungarez i Mbrojtjes, Kristof Salaj-Bobrovnički.

Në një video të postuar në Facebook të mërkurën, ai vuri në dukje se Budapesti beson se një armëpushim midis Rusisë dhe Ukrainës së shpejti do të arrihet përmes diplomacisë, por se ende ekziston një rrezik.

“Megjithatë, për t’u përgatitur për të gjitha rreziqet, kam urdhëruar që sistemet dhe kapacitetet e kontrollit dhe mbrojtjes ajrore të blera së fundmi të instalohen në verilindje.

Kërcënimi i përshkallëzimit të luftës ukrainas-ruse është më i madh se kurrë”, tha Salaj-Bobrovnički.

Ministri nuk specifikoi se cilat pjesë të sistemit të mbrojtjes ajrore të Hungarisë do të instalohen në verilindje, dhe gjithashtu theksoi se një pjesë e ushtrisë është në gatishmëri, raporton Reuters.

Presidenti rus Vladimir Putin uli pragun për një sulm bërthamor të martën në përgjigje të SHBA-së që lejoi Ukrainën të lëshojë raketa amerikane thellë në Rusi.

LEXONI GJITHASHTU:

• Hungaria bllokon BE-në: Ndihma për Ukrainën të vendoset pas zgjedhjeve në SHBA
• Këshilltari i Orbanit: Hungaria nuk do të luftonte për të zmbrapsur një pushtim rus