Hyrja në xhaminë e Shën Sofisë nuk do të jetë më falas, në janar vendoset tarifa

Hyrja në Hagia Sophia, xhamia që është simboli i Stambollit dhe atraksioni kryesor turistik, do të fillojë të tarifohet nga 15 janari 2024.

Siç njoftoi sot ministri i Kulturës dhe Turizmit i Turqisë, Mehmet Nuri Ersoy, të gjithë shtetasit joturq që dëshirojnë të hyjnë në Hagia Sophia do të duhet të paguajnë një biletë nga janari i vitit të ardhshëm.
Qytetarët turq ende do të mund ta vizitojnë xhaminë falas, theksoi ai.

“Ne po kalojmë në përdorimin e një sistemi të menaxhimit të vizitorëve në xhaminë Hagia Sophia. Cilësia dhe siguria e vizitave do të rritet,” theksoi Ersoy në një konferencë shtypi në Qendrën Kulturore Ataturk (AKM).

“Vizitat e të huajve për qëllime turistike do të paguhen nga 15 janari. Për qytetarët e Turqisë vizitat dhe adhurimet do të jenë falas”, tha ministri turk, duke shtuar se vendimi është marrë me rekomandimin e UNESCO-s.

Gjithashtu, nga 15 janari do të ndryshohen edhe hyrjet në Aja Sofia, tha Ersoy, për të shmangur konfliktet mes shtetasve turq që vijnë për pelegrinazh dhe shtetasve të huaj që vijnë për qëllime turistike.

LEXONI GJITHASHTU:

• “Drejtësia ka shanse për të fituar”, Lita: Përse prokurorët e SPAK shkuan në SHBA
• Meta deklaratë për mediat: Rama arkitekt i vjedhjes së inceneratorëve