“I afrohemi 10 mln turistëve”, Rama: Ka lindur një industri e mirëfilltë

Nga Pogradeci, ku drejtoi Asamblenë e Zgjeruar të Partisë Socialiste, kryeministri Edi Rama e cilësoi një histori suksesi vitin 2023 sa i përket turizmit.

Rama tha se me rreth 10 mln turistë që pritet të arrijnë deri në fund të vitit, turizmi në Shqipëri mund të cilësohet tashmë një industri e re e mirëfilltë.

“Ishte një vit apo është akoma një vit, sepse vazhdojmë të kemi një numër mbresëlënës turistësh. Kjo tregoi që Shqipëria është ngritur në një nivel tjetër, Shqipëria është një destinacion turistik jo se ne e shikojmë kështu por sepse e gjithë bota na shikon kështu. Fakti që pas sezonit veror kemi numër inkurajues turistësh, duhet të na japë shumë kurajë në vitet e ardhshme pasi ka lindur një industri e re e mirëfilltë. Me gjasë, nëse ritmi do të vazhdojë kështu, do t’i afrohemi shifrës 10 milionë turistë. 10 milionë turistë është diçka e jashtëzakonshme në çdo aspekt ekonomik”, tha Rama.

LEXONI GJITHASHTU:

• “Parada e traditës”- 111 vjetori i pavarësisë, Rama zbulon risitë e festimeve
• 15 mijë lekë për infermierët, Rama: Përfitojnë rritje të pagave mbi 14 mijë persona