I akuzuar për drogë në Itali, arrestohet me qëllim ekstradimin 35-vjeçari në Tiranë

Një 35-vjeçar në Tiranë ka rënë në prangat e Policisë, pasi akuzohet për trafik droge në vendin fqinj.

Lajmin e ka bërë të ditur Policia përmes një njoftimi, ku thuhet se i riu është arrestuar me qëllim ekstradimi në Itali, pasi Gjykata e Milanos i ka caktuar masën “arrest me burg”.

Ndërkohë Interpol Tirana vijon procedurat për ekstradimin e këtij shtetasi, në Itali.

Njoftimi i Policisë:

DVP Tiranë-Finalizohet nga Sektori i Forcës së Posaçme për Operacionet Speciale dhe Kërkimin, operacioni policor i koduar “Milano 2″.

I akuzuar nga autoritetet italiane, për veprimtari kriminale në fushën e narkotikëve, kapet në Tiranë dhe arrestohet me qëllim ekstradimin në Itali, një 35-vjeçar.

Shërbimet e Sektorit të Forcës së Posaçme për Operacionet Speciale dhe Kërkimin, në vijim të punës për kapjen e shtetasve të shpallur në kërkim ndërkombëtar, bazuar në inteligjencën informative mbi vendndodhjen e një shtetasi në kërkim, kanë organizuar dhe finalizuar operacionin policor të koduar “Milano 2”.

Gjatë operacionit, shërbimet e Policisë kanë kapur në Sauk, dhe kanë arrestuar me qëllim ekstradimin, shtetasin S. S., 35 vjeç.

Ky shtetas ishte shpallur në kërkim ndërkombëtar, pasi Gjykata e Milanos, Itali, i ka caktuar masën e sigurisë “Arrest në burg”, për veprën penale “Pjesëmarrje në grup kriminal, me qëllim trafikimin e narkotikëve”, parashikuar nga Kodi Penal i Italisë.

Interpol Tirana vijon procedurat për ekstradimin e këtij shtetasi, në Itali.

LEXONI GJITHASHTU:

• I akuzuar për drogë në Itali, arrestohet me qëllim ekstradimin 26-vjeçari në Tiranë
• U arrestua në Turqi, Prokuroria i dërgon MD kërkesën për ekstradimin e Ibrahim Licit