I akuzuar për korrupsion, arrestohet ish-presidenti bolivian Luis Arce

Ish-presidenti bolivian Luis Arce u arrestua në La Paz të mërkurën si pjesë e një hetimi për korrupsion të dyshuar kur ai ishte ministër i ekonomisë. Ish-udhëheqësi i së majtës boliviane dorëzoi pushtetin më 8 nëntor, duke i dhënë fund gati dy dekadave të sundimit të krahut të majtë, fillimisht nën Evo Morales.

Ai është fshehur nën mbrojtjen e mbështetësve të tij indigjenë në fortesën e Chapare, në pjesën qendrore të vendit, për shkak të një urdhër-arresti kundër tij për trafikim të një të mituri, të cilin ai e mohon.

Sipas urdhër-arrestit, Arce akuzohet se ka lejuar transferimin e fondeve në llogaritë personale të udhëheqësve të bujqësisë kur ai ishte ministër i ekonomisë. Transfertat e pazakonta të parave thuhet se janë bërë nga një fond publik për zhvillimin e popujve indigjenë (FONDIOC) gjatë dekadës së fundit.

Një nga përfitueset thuhet se ka qenë ish-deputetja Lydia Pati, e cila u arrestua javën e kaluar. Gjatë marrjes në pyetje, ajo dëshmoi se transfertat e parave ishin miratuar nga Ministri i atëhershëm i Ekonomisë, Arce. Thuhet se ajo ka marrë pothuajse 100,000 dollarë për kultivimin e domateve.

LEXONI GJITHASHTU:

• Uruguai e shqetësuar për pasojat e përshkallëzimit në Karaibe
• Trump: SHBA-të kanë sekuestruar një cisternë nafte larg brigjeve të Venezuelës