I dënuar me 9 vjet burg në Itali për plagosje dhe vjedhje, arrestohet 32-vjeçari (EMRI)

Policia e Tiranës ka vënë në pranga një 32-vjeçar të dënuar me 9 vjet burg në Itali, për 3 vepra penale.

Në kuadër të operacionit të koduar Wanted u arrestua me qëllim ekstradimin në Itali, të shtetasi i shpallur në kërkim ndërkombëtar, Bledar Barsan, 32 vjeç.

Gjykata e Ankonës e ka dënuar këtë shtetas, me 8 vjet, 11 muaj e 10 ditë burgim, për plagosje, kundërshtim të punonjësit të Policisë dhe vjedhje, sipas parashikimeve të ligjit penal të Italisë.

Interpol Tirana po bashkëpunon me Interpol Romën, për të finalizuar procedurën për ekstradimin e këtij shtetasi, në Itali.