I dënuar me mbi 8 vite burg në Itali për narkotrafik, arrestohet në Fier 62-vjeçari

Alban Dauti, 62 vjeç, është arrestuar në Fier në kuadër të operacionit policor “Operacionalja 31”.

Ky person rezulton të jetë dënuar më herët në Itali nga autoritetet gjyqësore ne Milano me 8 vtie e 8 muaj burg për për veprën penale “Trafikimi i lëndëve narkotike”, kryer në kuadër të organizatës kriminale.

Interpol Tirana po bashkëpunon me homologët italianë, për të kryer ekstradimin e këtij shtetasi, në Itali.

“Në kuadër të bashkëpunimit të ngushtë me partnerët italianë, me objektiv nxjerrjen përpara drejtësisë, të shtetasve të shpallur në kërkim ndërkombëtar, Drejtoria e Forcës së Posaçme Operacionale e DPPSh-së, gjatë operacionit “Operacionalja 31”, lokalizoi dhe kapi në Fier, shtetasin Alban Dauti, 62 vjeç, i lindur në Fier.

Autoritetet gjyqësore në Milano e kanë dënuar këtë shtetas me 8 vjet e 8 muaj burgim, për veprën penale “Trafikimi i lëndëve narkotike”, kryer në kuadër të organizatës kriminale”,-thuhet në njoftimin e policisë.