I dërguari i SHBA-së në NATO: Ukraina do të marrë armë me vlerë 2 miliardë dollarë

Ukraina do të marrë armë me vlerë rreth 2 miliardë dollarë në muajt e ardhshëm, si pjesë e angazhimeve të reja për ndihmë ushtarake.

Këtë lajm e bëri të ditur Përfaqësuesi i Përhershëm i SHBA-së në NATO, Matthew Whitaker, i cili tha se 2 miliardë dollarë do të disbursohen në muajt e ardhshëm si ndihmë për Ukrainën.

“Tani për tani, ne kemi krijuar një sistem ku angazhimet po ecin përpara. E dini, ndoshta kemi edhe 2 miliardë dollarë të tjerë ose më shumë për të siguruar në muajt e ardhshëm, dhe presim plotësisht që kjo të bëhet këtu shumë shpejt. Kemi një takim të ministrave të jashtëm në fillim të dhjetorit, i cili ka shumë të ngjarë ta kulmojë këtë shumë”, tha Whitaker.

Whitaker vuri në dukje gjithashtu se çështja kryesore në vitin 2026 do të jetë vazhdimi i mbështetjes për Ukrainën.

“Gjëja e rëndësishme është që do të ngrihet çështja e 12-15 miliardë dollarëve për blerjen e armëve që Ukraina ka nevojë urgjente për vetëmbrojtje. Këto do të jenë armë amerikane”, shtoi ai.

LEXONI GJITHASHTU:

• Ukraina sulme me dronë në Moskë, pezullohen fluturimet në aeroportet e kryeqytetit
• Hetimi i OKB-së: Dronët rusë ndjekin dhe përzënë civilë ukrainas