I diplomuar për Arte, i riu shqiptar arrestohet në “shtëpinë e barit” në Angli

Kleon Zeneli, një 24-vjeçar shqiptar i diplomuar për Arte në Tiranë, u arrestua nga policia britanike duke u kujdesur për bimët e kanabisit, në një “shtëpi bari” në një fshat të Qarkut Durham.

Aktiviteti kriminal i Zenelit u zbulua gjatë kontrollit rutinë të pronës nga një agjent imobiliar.

Gjykata e Durham Croën dëgjoi se agjenti vizitoi shtëpinë në Clarence Street më 14 dhjetor të vitit të kaluar.

Prokurori, Chris Morrison, tha se i pandehuri u gjet në papafingo, ku po kultivohej kanabis. Bimët narkotike ishim mbjellë në dy dhomat gjumit në katin e sipërm, ku ishin instaluar sisteme lampash që nxisnin rritjen.

Agjenti imobiliar thirri policinë duke bërë që Zeneli të arrestohej.

Në total u gjetën 50 bimë kanabisi, të gjitha midis 1 dhe 2 këmbë lartësi, dhe u konsiderua se rritja kishte qenë në veprim për disa kohë.

Prokurori tha se kishte ndërhyrje në sistemin e energjisë elektrike në mënyrë që të furnizohej kultivimi i lëndës narkotike.

I pandehuri, 24 vjeçar, deklaroi në gjykatë se ishte një person i cili kishte hyrë ilegalisht në Britaninë e Madhe.

24-vjeçari u deklarua fajtor si për prodhimin e një droge të klasit B, por dhe për vjedhjen e energjisë elektrike.

Avokatët thanë se edhe pse i riu ishte diplomuar në Shqipëri, ai nuk mundi të gjente një punë në profesionin e tij.

Duke qenë se erdhi ilegalisht në Mbretërinë e Bashkuar, të riut i duhej të punonte që të shlyente borxhin që u kishte personave që e trafikuan, deklaroi avokatja e tij.

Avokatja shtoi se i pandehuri po vepronte nën drejtimin e të tjerëve dhe nuk kishte asnjë përfitim financiar, përveç përmbushjes së borxhit ndaj trafikantëve të tij.

LEXONI GJITHASHTU:

• I akuzuar për vrasje në Elbasan|Arrestohet në Londër Donald Hoxha, pritet ekstradimi
• “Shtëpi bari” në Spanjë, arrestohet me qëllim ekstradimin 30-vjeçari në Fier