I jepet lamtumira policit dhe të birit në Greqi, historia e trishtë e një familjeje

Është shoqëruar për në banesën e fundit polici grek 54-vjeçar, Vangelis Bournazis, dhe djali i tij 15-vjeçar, të cilët humbën jetën në aksidentin e trenave në Larisa.

54-vjeçari ishte larguar nga Policia rreth një vit më parë. Ai donte të pushonte dhe t’i përkushtohej rritjes së djalit të tij të mitur.

Bournazis po kthehej së bashku me të birin në Selanik, pas një udhëtimi në Athinë, ku takoi djalin e madh dhe mbesën e vogël.

Tre fëmijët e tij ishin e gjithë pasuria që kishte. Dy vite më parë ish-polici humbi gruan nga kanceri dhe iu përkushtua totalisht familjes së tij dhe rritjes së fëmijëve.

Mediat greke shkruajnë se njerëzit që e njihnin e cilësonin 54-vjeçarin si një polic shembullor dhe një familjar të denjë.

“Kolegët e përshkruajnë me fjalët më të ngrohta, për luftën që ai bëri për të shpëtuar gruan e tij. Ata e admirojnë se sa krenar ishte për fëmijët dhe me sa dashuri i rriti ata”, shkruan Protothema.

LEXONI GJITHASHTU:

• Kolegët i sjellin çantën e shërbimit, varroset mes lotësh zjarrfikësi dhe e dashura
• Homazhe për viktimat në Greqi, qytetarëve e Korçës ndezin qirinj në katedrale
• Me nderime ushtarake, pamjet nga varrimi i studentes shqiptare në Greqi